ONDORIOAK

Aldizkaria bukatu ondoren, ondorio batzuk atera ditut:

• Gaur egun, gure gizartea teknologien garaian sartuta dagoenez arlo guztietan teknologia presentzia ikus dezakegu. Gizarte honek gure ikasleei teknologia berrien formakuntza eskatzen die eta gure ardura da formakuntza hau era egokian ematea.
• Eskola askotan ez dute denborarik izan teknologia berrien ezaguerak eguneratzeko eta erronka handia suposatzen zaie: ohiturak aldatzea, erabilgarritasuna aurkitzea eta abar.
• Formakuntzan irakaslegoak ardura handia du gero ikastaroetan ikusi duten praktikan jartzeko eta erabiltzeko. Nik askotan galdera bat planteatzen dut: denbora eza edo gogo eza?
• Gaur egungo ikasleak oso ohituta daude teknologia berriak ikusten: jaio direnetik eskura eduki dituzte eta askotan irakaslegoak baino hobeto erabiltzen dituzte. Honek aldaketa bat suposatzen du eta irakasleen papera alda daiteke. Ikasleek tresna hauek erabiltzen dakitenez irakasleek ondo erabiltzen irakatsi behar diete eta, oso garrantzitsua, hau onartu egin behar dute lana elkarrekin egiteko. Irakasleak ikasten lagunduko die, bidea erakutsiko die, zer ikasi behar duten esango die.
• Baliabide berriak oso interesgarriak iruditu zaizkit. Ikasleen erritmoa errespetatzeko eta beraien beharretara egokitzeko. Etapa berri hau ilusioz hartu behar dugu eta denon artean aurrera eraman behar dugu, laguntza eskatuz eta gure zailtasunak onartuz.
• Practicuma egin dudanean gaurko umeekin harrituta geratu nintzen ordenagailua nola erabiltzen duten ikusita. Irakasleen irakasle bihurtzen dira askotan.